Në këtë pjesë të artikullit, shikojmë përparimet e fundit shkencore që ofrojnë shpresë në luftën kundër SARS-CoV-2, duke përfshirë gjetjet premtuese terapeutike dhe hapat më të fundit drejt zhvillimit të vaksinave.
Edhe pse bota mbetet e pasigurt për mënyrën se si do të evoluojë pandema e koronavirusit, shkencëtarët kanë punuar pa u ndalur në parandalimin e përhapjes së SARS-CoV-2 shkruan MedicalNewsToday përcjell Gazeta Shneta.
Studiuesit në të gjithë botën vazhdojnë të testojnë qasje të reja ndaj imunizimit SARS-CoV-2 dhe premtojnë mundësi terapeutike për COVID-19, sëmundja që shkaktohet nga koronavirusi i ri.
Një nga nevojat kryesore në kontrollin e përhapjes së koronavirusit të ri është testimi efikas.
Për këtë qëllim, një ekip studiuesish në Universitetin e Kolorados Boulder kanë zhvilluar një test që, ata pretendojnë, mund të japin një rezultat në më pak se 45 minuta.
Teste të tilla të kthimit të shpejtë të rezultateve mund të ndihmojnë në zbulimin e bartësve asimptomatikë të SARS-CoV-2, të cilët mund të kontribuojnë në përhapjen e virusit pa e kuptuar atë.
Kemi dhe oksidin nitrik që është një gaz ku mjekët ndonjëherë e përdorin për të trajtuar pacientët me nivele shumë të ulët të oksigjenit në gjak.
Megjithëse studiuesit kanë vërejtur se kjo qasje nuk duket se përmirëson shkallën e vdekshmërisë në mesin e këtyre pacientëve, oksidi nitrik ka demonstruar një aftësi befasuese që ka tërhequr vëmendjen e të tjerëve.
Eksperimentet e mëparshme në kulturat e qelizave kanë treguar se oksidi nitrik është në gjendje të ndalojë përsëritjen e SARS-CoV, koronavirusin që shkakton SARS.
Duke pasur parasysh ngjashmërinë gjenetike të SARS-CoV dhe SARS-CoV-2 – sekuencat nukleotide të të cilave kanë përafërsisht 79% ngjashmëri – studiuesit sugjerojnë që oksidi nitrik mund të jetë në gjendje të frenojë koronavirusin e ri.
Në një përmbledhje të hulumtimeve në dispozicion të botuar në revistën ‘Nitric Oxide’, studiuesit argumentojnë se gazi mund të ndihmojë në lehtësimin e disa simptomave potencialisht fatale të COVID-19,
Kështu, ata inkurajojnë shkencëtarët e tjerë të shikojnë potencialin terapeutik të oksidit nitrik në kontekstin e pandemisë aktuale.
Shumë ekipe kërkimore po hulumtojnë të zhvillojnë terapi të synuara për COVID-19, por zhvillimi i një ilaçi të ri nga e para mund të zgjasë vërtet shumë kohë.
Dhe meqenëse koha është thelbësore në ndalimin e pandemisë aktuale të koronavirusit, disa hulumtues kanë vendosur të marrin një qasje të ndryshme, duke rivlerësuar potencialin e barnave ekzistuese.
Përfitimi kryesor i testimit të ilaçeve të disponueshme lehtësisht është se këto barna kanë kaluar tashmë prova të sigurisë njerëzore – gjithçka që mbetet këtu – të tregohet efektiviteti i tyre në trajtimin e COVID-19.
Duke pasur parasysh këtë, studiuesit nga Universiteti Yale u përpoqën të përplasnin rreth afro 12,000 ilaçe që kishin marrë tashmë miratimin e Administratës së Ushqimit dhe Barnave (FDA) ose ishin në fazën klinike të testimit.
Ata e vlerësuan atë listë fillestare jashtëzakonisht të madhe në 100 ilaçe potencialisht premtuese, pastaj në 21, dhe më në fund me 13 barnat që ka shumë të ngjarë të shfaqin aktivitet kundër SARS-CoV-2.
Nga 13 ilaçet kryesore, studiuesit presin më shumë shpresën për LAM-002A, ose apilimod, i cili trajton limfomën folikulare, një lloj kanceri në gjak dhe sëmundje të ndryshme autoimune.
Ata kanë raportuar procesin e arritjes së këtij bari premtues në një punim studimi të botuar në revistën ‘Nature’.
Për fund vlen të ceket se poashtu, hulumtimi për vaksinat po vazhdon me shpejtësi të plotë ku dy prej të cilave më premtuese janë në fazën e tretë të hulumtimeve klinike. /Gazeta Shneta/