Pak qaste më parë, Instituti Kombëtar ka bërë të ditur se nga 2,059 testime të kryera janë konfirmuar pozitiv me covid-19 963 raste.
Lajm jo i mirë për vendin tonë, pasi në 24 orët e fundit kanë ndërruar jetë 13 pacientë si pasojë e përkeqësimit të gjendjes shëndetësore nga covid-19 shkruan GazetaShneta.
“Rastet e vdekjes janë nga komunat: Prishtinë 3 raste (88, 67, 64 vjeç), Gjakovë 2 raste (85, 83 vjeç), Pejë 2 raste (81, 62 vjeç), Prizren 2 raste (74, 70 vjeç), Kamenicë 1 rast (90 vjeç), Podujevë 1 rast (69 vjeç), Suharekë 1 rast (60 vjeç), Viti 1 rast (66 vjeç).”
“Numri total i rasteve pozitive është 27.851 raste nga 115.794 persona të dyshimtë në virusin SARS-CoV-2 dhe 797 raste të vdekjes”
“Gjatë 24 orëve të fundit, janë shëruar 177 pacientë derisa numri i përgjithshëm i të shëruarve deri më sot është gjithsej 16.862 raste, ” thuhet në njoftimin e plotë të IKSHPK-së
Komunat që sot morën vëmendje janë Prishtina dhe Ferizaji.Përgjatë kësaj periudhe, vetëm në kryeqytet janë identifikuar 347 raste pozitive, kurse në Ferizaj 102 raste pozitive.
Ndërkohë, komunat tjera që poashtu regjistruan numër të lartë të të infektuarve janë: Podujevë 61 raste, Gjakovë 52 raste, Gjilan 51 raste, Fushë-Kosovë 45 raste, Shtime 34 raste, Prizren 30 raste, Vushtrri 28 raste, Pejë 27 raste, Mitrovicë 24 raste, Lipjan 21 raste, Viti 20 raste, Obiliq 16 raste, Rahovec 16 raste, Kaçanik 12 raste, Suharekë 12 raste, Malishevë 10 raste, Klinë 9 raste, Deçan 8 raste, Kamenicë 8 raste, Drenas 7 raste, Istog 7 raste, Skenderaj 6 raste, Dragash 5 raste, Hani i Elezit 2 raste dhe me nga një rast komunat Graçanicë, Novobërdë dhe Shtërpcë.
Aktualisht, vendi ynë është duke u ballafaquar me një rritje të dukshme të rasteve aktive, e që deri më tani ka arritur në 10,192 ./GazetaShneta/