Një ekspert eksploron shpjegime të mundshme pse disa pacientë vuajnë nga komplikime serioze.
Kjo është një nga aspektet më konfuze të sëmundjes të shkaktuar nga koronavirusi i ri shkruan HealthMatters.nyp.org, përcjell Gazeta Shneta.
Këtu, Dr. Fred Pelzman, mjek i asociuar në Qendrën Mjekësore New York-Presbyterian dhe profesor i mjekësisë klinike në Weill Cornell Medicine, adreson disa nga shpjegimet e mundshme.
Më të vjetër & më të rinj
Mosha është një faktor rreziku. Krahasuar me pacientët më të rinj, ata të moshës së mesme dhe të moshuar kanë më shumë gjasa të vuajnë nga simptomat, të shtrohen në spital dhe të jenë më rrezik për jetën.
Pjesërisht kjo mund të shpjegohet me faktin që sistemet imunitare tek personat më të vjetër priren të jenë më pak efikase në pastrimin e infeksioneve virale.
Sidoqoftë, kjo ndoshta nuk është historia e plotë. “Njerëzit në vitet 40, 50 dhe 60 zakonisht nuk preken nga infeksione të tjera virale, të tilla si gripi, karshi mënyrës se si goditen nga Covid-19”, tha Dr. Fredi.
Covid-19 i formës së rëndë nxitet jo vetëm nga dëmtimi viral i qelizave, por nga një “stuhi” reaktive e inflamacionit që dëmton mushkëritë dhe organet e tjera.
Fëmijët mund të marrin infeksione Covid-19, por kryesisht janë të kursyer nga sëmundje të rënda.
Përsëri, arsyeja nuk është e qartë. Një sugjerim nga studimet e viruseve të tjerë, përfshirë koronavirusin përkatës që shkaktoi epideminë SARS 2002-2004, është që fëmijët mund të kenë më pak gjasa të zhvillojnë një stuhi inflamatore kur infektohen.
Burrat & gratë
Burrat dhe gratë duket se marrin Covid-19 me ritme afërsisht të barabarta, por në shumicën e vendeve, burrat kanë më shumë të ngjarë të vdesin prej kësaj sëmundje.
Në Itali dhe Irlandë, për shembull, meshkujt zënë rreth 70 përqind të vdekjeve nga Covid-19.
Nuk ka mungesë të hipotezave për këtë ndryshim.
Njëra është se ka ndryshime në seks në përgjigjen imune – studimet e gripit, për shembull, kanë zbuluar se burrat e moshuar kanë tendencë të kenë rezultate më të këqija sesa gratë e moshuara.
Burrat gjithashtu kanë më shumë gjasa të pinë alkool, i cili dobëson sistemin imunitar dhe rrit ndjeshmërinë ndaj pneumonisë.
Poashtu, burrat kanë më shumë gjasa të pijnë duhan, i cili dobëson imunitetin dhe funksionin e përgjithshëm të mushkërive, i rrit shanset që mushkëritë dhe organet e tjera jetësore të marrin inflamacion më të madh dhe çon në ndjeshmëri më të madhe ndaj infeksioneve të frymëmarrjes dhe pneumonisë.
Gjendja shëndetësore të përgjithshme
Pacientët që zhvillojnë Covid-19 serioz ose fatal ka të ngjarë që në mënyrë disproporcionale të kenë të paktën një gjendje shëndetësore kryesore, siç janë diabeti, hipertensioni, mbipesha, sëmundjet kardiovaskulare, astma, sëmundja e veshkave ose çrregullimi kronik i mushkërive obstruktive.
Në disa raste, shpjegimet e mundshme për këto lidhje janë të dukshme.
Diabeti dhe mbipesha shoqërohen me një rezistencë më të dobët ndaj infeksioneve; një hulumtim nga mjekët e Weill Cornell Medicine të botuar më 17 prill në NEJM sugjeronte që mbipesha, veçanërisht tek burrat, shoqërohej me trajtimin që kërkonte ventilim mekanik.
Në përgjithësi, çdo gjendje e rëndë mjekësore themelore mund ta bëjë një organ jetësor më pak të aftë të përballojë streset biologjike të shkaktuara nga një infeksion dhe inflamacion që rezulton pas gjendjes Covid-19. /Gazeta Shneta/