Mjekë dhe infermierë që u vaksinuan në Kukës gjatë muajit mars, do të marrin sot dozën e dytë në Prishtinë.
Kështu ka njoftuar Federata e Sindikatave të Shëndetësisë, ku është bërë e ditur se vaksinimi do të fillojë në ora 12:30 në sallën “1 Tetori” në Prishtinë, shkruan Gazeta Shneta.
“Federata e Sindikatave të Shëndetësisë së Kosovës i njofton të gjithë punëtorët shëndetësor të cilët janë vaksinuar në Kukës me datë 20 dhe 21 Mars 2021 të paraqitën me datë 24 Maj 2021 ( E Hënë) duke filluar nga ora 12:30 në sallën 1 Tetori në Prishtinë për ta marrë dozën e dytë të vaksinës Astra Zeneca. Të gjithë punëtorët shëndetësor duhet të kenë me vete kartelën e verifikimit të marrjës së dozës së parë në Kukës, për t’u futur në sistemin e Republikës së Kosovës”, thuhet në njoftim.
Ndërsa ata të cilët e kanë marrë me datë 27 mars 2021, FSSHK ka deklaruar se do të njoftohen me kohë për marrjen e dozës së dytë. /Gazeta Shneta/
