Ministria e Shëndetësisë, e cila drejtohet nga Arben Vitia, ka anuluar tenderin prej 230 mijë euro për furnizim me automjete të reja.
Në njoftimin e publikuar në platformën Online të Prokurimit Publike thuhet se Ministria e Shëndetësisë anulon këtë aktivitetin të prokurimit në bazë të vendimit të Qeverisë së Republikës së Kosovës numër 05 36 te datës 19.10.2020.
Por, një vendim të tillë, të datës 19 tetor 2020, e kishte marrë ish-kryeministri Avdullah Hoti, me të cilin ndalonte procedurat e blerjes së veturave zyrtare nga Ministritë dhe Agjencitë në varësi të tyre.
Përndryshe, Ministria e Shëndetësisë kishte nisur një aktvitet prokurimi ku parashihej blerja e veturave zyrtare në vlerë prej 230 mijë euro nga ana e Institutit Kombëtar të Shëndetësisë Publike (IKSHPK).
“Për këtë procedure te prokurimit, AK Ministria e Shëndetësisë është e detyruar te beje anulimin e këtij aktivitet te prokurimit konform nenit 62 te LPP-së konkretisht paragrafit 2.2 te këtij neni citoj Neni 62 Përfundimi i Aktivitetit të Prokurimit 2.2. para hapjes së tenderëve, ndërprerja e aktivitetit të prokurimit është bërë e nevojshme për shkak të ngjarjeve objektive dhe që mund të demonstrohen dhe ose arsyeve që janë jashtë kontrollit të autoritetit kontraktues dhe që nuk mund të parashikohen në kohën e inicimit të aktivitetit të prokurimit por kjo duhet të bëhet së paku tre (3) ditë para hapjes së tenderëve” thuhet në njoftim, raporton “Front Online”.