Infektologu dhe deputeti i AAK-së Shemsedin Dreshaj, ka thënë se në mungesë të stafit në Klinikën Infektive po kujdestarojnë edhe infermierët.
Sipas tij, është fatkeqësi që jetët e njerëzve po trajtohen nga shteti vetëm si shifra në statistikat ditore.
“Në Klinikën Infektive, nuk punon as porta dezinfektuese. Brenda klinikës, në mungesë stafi, po kujdestarojnë edhe kryeinfermierët. Fuqia shpirtërore e këtyre grave dhe burrave është për admirim. Nuk dorëzohen asnjëherë. Po shteti, ku është?”, ka shkruar Dreshaj.
Lexoni reagimin e tij të plotë:
Sot me ekipën kujdestare në Kliniken Infektive, Covid 19, ku edhe kryeinfermierët kujdestarojnë në mungesë të stafit infermieror.
Është fatkeqësi e madhe që jeta njerëzore po trajtohet nga shteti vetëm si shifër në statistikat ditore të të infektuarve. Jeta është e shenjtë dhe është obligim shtetëror që ajo të mbrohet. Vet shtetet janë krijuar për të mbrojtur jetën e qytetarëve të tyre.
Respekt deri në përulje për ata që janë në krye të detyrës, për të shpëtuar sa më shumë jetë. Për ata që edhe përkundër përkrahjes shtetërore po rrin besnik ndaj betimit të Hipokratit.
Në Klinikën Infektive, nuk punon as porta dezinfektuese. Brenda klinikës, në mungesë stafi, po kujdestarojnë edhe kryeinfermierët. Fuqia shpirtërore e këtyre grave dhe burrave është për admirim. Nuk dorëzohen asnjëherë.
Po shteti, ku është?