Epidemiologu Prof. Neil Ferguson ka thënë se Mbretëria e Bashkuar duhet të rrisë procesin e imunizimit duke vaksinuar sa më shumë adoleshentë për të ndaluar rrezikun e “një vale të madhe vjeshte dhe dimri”.
Profesori Ferguson i tha ‘BBC Radio 4’s Today’ se do të ketë një lehtësim të masave anti Covid në Angli, por ai shpreson se një bllokim tjetër kombëtar nuk do të jetë i nevojshëm, shkruan The Guardian përcjell Gazeta Shneta.
Me këtë nivel imunizimi që kemi në popullatë, atëherë mund të mos kërkojë mbyllje të plotë, u shpreh Prof. Ferguson.
Masa të tilla si puna nga shtëpia janë efektive për të ndihmuar në uljen e transmetimit të variantit Delta, tha ai.
“Shpresoj shumë që të mos kemi nevojë të hyjmë në mbyllje të plotë, por mendoj se ka masa të ndërmjetme të cilat ende mund të jenë të nevojshme në një moment të caktuar”.
Megjithatë me hapjen e shkollave, ai tha se “ne duhet të qëndrojmë të kujdesshëm”.
Në mungesë të masave për distancimin shoqëror, profesor Ferguson shtoi se Mbretëria e Bashkuar është “e varur” nga ndërtimi i imunitetit në popullatë përmes vaksinimit dhe infeksioneve. /Gazeta Shneta/