Nga rastet të herës së parë, deri te infeksionet dhe riinfeksionet e reja, më shumë se 750,000 njerëz në SHBA janë aktualisht të infektuar me COVID, sipas Qendrave për Kontrollin dhe Parandalimin e Sëmundjeve (CDC).
Agjencia vlerëson se mbi 95 për qind e këtyre rasteve janë rezultat i variantit Omicron, i cili po përhapet më shpejt se çdo version i mëparshëm i virusit, shkruan burimin Best Life përcjell Gazeta Shneta.
Studiuesit nga Britania e Madhe kanë përdorur aplikacionin Zoe COVID Study për të mbledhur të dhëna për rastet e koronavirusit pozitiv me PCR për të gjetur pesë simptomat më të zakonshme për rastet e Omicron.
– Rrjedhja e hundës
Sipas një përditësimi të 13 janarit nga aplikacioni Zoe COVID Study, simptoma më e zakonshme e Omicron është rrjedhja e hundës.
“Simptomat më të raportuara të Omicron janë vërtet shumë të ngjashme me një ftohje, veçanërisht te njerëzit që janë vaksinuar,” konfirmoi Dr. Claire Steves, shkencëtare nga King’s College në Londër.
– Dhimbje koke
Një dhimbje koke mund të lindë nga një sërë burimesh, por është gjithashtu një nga shenjat kryesore të një infeksioni Omicron, sipas aplikacionit Zoe COVID Study.
Të dhënat shtesë të lëshuara nga Departamenti i Shëndetit të Uashingtonit më 12 janar treguan se gati 65 për qind e pacientëve me COVID raportuan se kishin dhimbje koke gjatë rritjes së fundit të Omicron.
– Lodhje
Kur Omicron u zbulua për herë të parë në Afrikën e Jugut, mjekët paralajmëruan për një lodhje ekstreme.
“Ankesa klinike më mbizotëruese është lodhja e rëndë për një ose dy ditë,” i tha burimit Reuters, Dr. Angelique Coetzee dhe kryetare e Shoqatës Mjekësore të Afrikës së Jugut.
– Teshtitja
Teshtitja nuk është shoqëruar shpesh me koronavirusin, kështu që shumë njerëz me këtë simptomë mund të mendojnë se kanë të bëjnë thjesht me alergji ose një ftohje të lehtë. Por krahas një sërë simptomash të tjera të ngjashme me të ftohtin, teshtitja konsiderohet tani një nga shenjat treguese të Omicron.
Kjo ndodh sepse ndryshe nga variantet e tjera – duke përfshirë Delta-në, Omicron ka një prirje më të lartë për të infektuar sistemin e sipërm të frymëmarrjes, tha për burimin, Washington Post, Dr. Emily Landon, epidemiologe e sëmundjeve infektive në Universitetin e Chicago Medicine.
– Dhimbje fyti
Një tjetër simptomë e rrugëve të sipërme të frymëmarrjes që shfaqet shpesh me Omicron është dhimbja e fytit. Disa mjekë madje kanë thënë se është problemi më i zakonshëm që po shohin me pacientët që përfundojnë pozitiv në testin për COVID.
Dhe disa thonë se kjo simptomë e Omicron është edhe më e zakonshme në një grup të veçantë tek të vaksinuarit. /Gazeta Shneta/