Është thënë dhe më parë, krahas antitrupave – qelizat T janë një lojtar kyç në përgjigjen imune kundër patogjenëve.
Varianti Omicron i SARS-CoV-2 ka shumë mutacione, që do të thotë se mund të shmangë përgjigjen e antitrupave, shkruan Medical News Today përcjell Gazeta Shneta.
Megjithatë, studimi aktual sugjeron që qelizat T duhet të ofrojnë ende mbrojtje kundër variantit.
Hulumtimi, i cili shfaqet në revistën ‘Viruses’, shtron terrenin e nevojshme për studime të mëtejshme për të konfirmuar gjetjet.
Qelizat T luajnë një sërë rolesh në sistemin imunitar tha Prof. Rosemary Boyton, nga fusha infektive në Imperial College London në Mbretërinë e Bashkuar.
Ndër të tjera, qelizat T mund të luajnë role të ndryshme. Ato mund të veprojnë si ‘qeliza vrasëse’, duke sulmuar qelizat që janë infektuar me një virus ose një lloj tjetër patogjeni, ose mund të veprojnë si ‘qeliza ndihmëse’ duke mbështetur qelizat B për të prodhuar antitrupa.
Varianti Omicron i SARS-CoV-2 ka shumë mutacione, të cilat shkencëtarët besojnë se e ndihmojnë atë të shpëtojë nga antitrupat neutralizues.
Sidoqoftë, nëse Omicron nuk mund t’i shpëtojë qelizave T, atëherë ato mund të kenë ende një nivel mbrojtjeje kundër variantit.
Dr. Ahmed Abdul Quadeer, nga fusha e inxhinierisë elektronike dhe kompjuterike në Universitetin e Shkencës dhe Teknologjisë në Hong Kong, tha se qelizat T ka të ngjarë të ofrojnë mbrojtje nëse ato janë zhvilluar pas vaksinimit ose një infeksioni natyror – megjithatë, nevojiten kërkime të mëtejshme për ta konfirmuar këtë.
“Si infeksioni natyror dhe vaksinat e COVID-19 janë demonstruar se gjenerojnë një përgjigje të fortë të qelizave T. Sidoqoftë, ka shumë për të kuptuar në lidhje me ndryshimet dhe ngjashmëritë specifike midis përgjigjeve të qelizave T të shkaktuara nga infeksioni natyror dhe vaksinat. Kjo aktualisht është duke u studiuar në mënyrë aktive.” /Gazeta Shneta/