Qendra Kryesore e Mjekësisë Familjare në Pejë nuk është e furnizuar me disa nga barnat e materialet tjera shpenzuese nga Lista Esenciale shkruan Gazeta Shneta.
Në këtë qendër brenda një dite marrin shërbime mjekësorë me qindra pacientë të cilët janë të detyruar t’i blejnë edhe barnat nga Lista Esenciale, pasi që Ministria e Shëndetësisë nuk ka arritur t’i furnizojë.
Shpatulla druri – përmes së cilët bëhet ekzaminimi i sëmundjeve në fyt, Baby system apo infusion për fëmijë, Antidiabetik oral – i nevojshëm për pacientët insulinmarrës, antibiotikë oral, tretje për terapi paranterale apo infusion tash e një muaj nuk ka në këtë QKMF.
Lajmin për mungesë të këtyre barnave dhe materialeve shpenzuese e ka konfirmuar për Gazetën Shneta, Petrit Loci, drejtori i Shëndetësisë dhe Mirëqenies Sociale në këtë komunë.
Në anën tjetër, Gazeta Shneta ka kërkuar sqarim nga Ministria e Shëndetësisë pse nuk kanë arritur të furnizojnë këtë qendër me produkte të nevojshme për trajtimin e pacientëve mirëpo të njejtët nuk janë përgjigjur deri në publikimin e këtij artikulli.
Mungesa e barnave e materialeve tjera shpenzuese është e theksuar edhe nëpër qendrat tjera shëndetësore në vend për të cilat ka raportuar Gazeta Shneta.
Një gjendje hiç më mirë nuk është as në klinikat dhe spitalet rajonale në vend, ndërsa në anën tjetër nga ShSKUK thonë se furnizimi me barna dhe materiale tjera shpenzuese është rritur në 70 përqind./Gazeta Shneta/
Pacientët me kancer në Onkologji, mes hallit të sëmundjes dhe mungesës së barnave