25 persona, të aksidentuar në trafik, kanë kërkuar ndihmë mjekësore në QKUK- përkatësisht në Klinikën Emergjente, gjatë 24 orëve të fundit.
Kështu ka bërë të ditur ShSKUK përmes një njoftimi, për raportin 24 orësh të punës.
“Brenda këtij intervali kohor, përpos tyre, në këtë klinikë janë trajtuar edhe 241 pacientë tjerë, nga ta 66 në Dhomën e Reanimimit (Dhoma e Kujdesit të Avancuar Emergjent)”, thuhet në njoftim.
Tutje, ShSKUK ka treguar se stafi mjekësor, ka realizuar 49 vizita kirurgjike.
Kurse në Dhomën e Shërbimit Internistik dhe Ortopedik kanë marrë shërbime mjekësore 129 pacientë./Gazeta Shneta