Me moton “Planeti ynë, shëndeti ynë”,po shenohet 7 prilli, Dita Botërore të Shëndetit, e me këtë rast Drejtoria për Shëndetësi në Komunën e Prishtinës do të organizojë disa aktivitete për të shënuar këtë ditë.
Këto aktivitete do të organizohen në bashkëpunim me Ministrinë e Mbrojtjes, përkatësisht me Departamentin Mjekësor të FSK-së dhe studentët e Kolegjit “Universum”.
Kështu është bërë e ditur në një komunikatë ku edhe është shpalosur plani ditor.
Ekipet mjekësore do të jenë në pesë “pika”:
- QMF 3 në hyrjen e parkut të Gërmisë (nga ora 07:00 deri në 10:00)
- Një ekip mobil në rajonin e Keçekollës (10:00 – 13:00 h)
- QKMF – FSK në sheshin “Zahir Pajaziti” (11:00 – 16:00)
- QMF 11 te Parku i Qytetit (11:00 – 15:00)
- QMF 7 – FSK në hyrje të Stacionit të Autobusëve (11:00 – 14:00)
- Qendra për të Moshuar në lagjen “Tophane” (11:00 – 14:00)
Aktivitetet shëndetësore do të përmbajnë: matjen e shtypjes së gjakut, matjen e glikemisë, matjen e peshës trupore, llogaritjen e IMT me anë të tabelave përkatëse, këshillat për jetesë të shëndetshme, efektet negative të konsumimit të duhanit, alkoolit dhe substancave narkotike duke shpërndarë edhe material edukativ në formë të broshurave.
Në ora 12:00, kryetari i Komunës së Prishtinës, Përparim Rama, dhe ministri i Mbrojtjes, Armend Mehaj, do të vizitojnë punën e ekipeve mjekësore të vendosur në tendën në sheshin “Zahir Pajaziti”.
Qëllimi i këtij aktiviteti është vetëdijësimi i popullatës lidhur me ruajtjen e shëndetit përmes edukimit dhe promovimit shëndetësorë ofruar nga stafi jonë.
Tashmë nga ora 07:00 ekipa e QMF-3 mjekë dhe infermierë janë duke e zhvilluar këtë aktivitet ne parkun e Gërmisë ku po bëjnë matjen e TA, matjen e glikemisë, këshilla për stil te shëndetshëm te jetesës, efektet negative te shprehive të këqija duke shpërndarë edhe material edukative në formë të broshurave./Gazeta Shneta