Oda e Mjekëve të Kosovës (OMK), ka bërë të ditur vendimin e fundit rreth përkrahjes financiare të dhjetë punimeve shkencore për vitin 2021.
“Komisioni AD HOC për përpilimin e kritereve të konkursit publik dhe vlerësimin e punimeve shkencore në takimin e datës 24 maj 2022, nxjerr vendim për listën Preliminare për 10 (dhjetë) përfituesit e përkrahjes financiare të punimeve shkencore për vitin 2021” ka njoftuar OMK-ja.
“Bernard Tahirbegolli, Ibadete Bytyqi, Albina Ponosheci- Biçaku, Gani Bajraktari, Artan Bajraktari, Kushtrim Grezda, Ilir Hoxha, Artan Ahmeti, Jeton Shatri dhe Bujar Shabani, janë dhjetë përfituesit e përzgjedhur për përkrahje financiare të punimeve shkencore për vitin 2021.
Përfituesit e lartpërmendur do të përkrahen financiarisht nga Oda e Mjekëve të Kosovës në shumën prej 1,000 euro. /Gazeta Shneta/
