Shërbimi Spitalor Klinik Universitar e ka anuluar konkursin për drejtor në Klinikën e Kirurgjisë Abdominale, ndonëse në këtë proces ishin tre kandidatë.
Gazeta ka mësuar nga burime se konkursi është anuluar me arsyetimin se kriter për të qenë kandidat në këtë konkurs, është kualifikimi ‘kirurg abdominal’.
Gazeta ka mësuar poashtu nga burime se me këtë kriter pritet të favorizohen katër kirurgë, të cilët e kanë marrë këtë kualifikim në disa institucione arsimore në Tiranë.
Anulimin e këtij konkursi e ka komentuar edhe ministri Rifat Latifi. Madje ai e ka quajtur qesharake këtë vendim.
“Është anuluar konkursi për drejtor në Kirurgji Abdominale, sepse është një pshtjellim se kush është kirurg abdominal e kush kirurg i përgjithshëm. Kirurgu i përgjithshëm mund të kryej intervenime nga qafa deri poshtë, por nuk mund të jetë drejtor i kirurgjisë abdominale. Kjo është qesharake”, ka deklaruar ministri Latifi në Komisionin për Shëndetësi.
Kujtojmë se kandidatë për drejtor në këtë konkurs kanë qenë ud. drejtori aktual Ferat Sallahu, Afrim Tahiri dhe Enver Fekaj. /Gazeta Shneta/