Kryetari i Shoqatës për të Drejtat e Pacientëve, Besim Kodra ka reaguar pas dorëheqjes së Ministrit të Shëndetësisë, Rifat Latifi.
Kodra ka theksuar se përveç ish -ministrit Latifi edhe shumë ministra të tjerë të shëndetësisë kanë dëshuar pasi që, sipas tij, shëndetësia udhëhiqet nga grupet e interesit.
“Pse ka dështu Rifati, shumë Rifata para tij dhe pse do të dështojnë shumë pas tij, përgjigjja është se shëndetësia nuk udhëhiqet nga ta, por nga grupet e interesit! Kjo është arsyeja pse kam thënë që Rifati nuk e njeh Kosovën”, ka shkruar ai në një postim në Facebook.
Ai gjithashtu ka theksuar se sistemit shëndetësor në Kosovë i duhet reform “Kjo reformë përfshinë edhe ndryshimin e financimit të sistemit shëndetësor, pra fillimin e sigurimeve shëndetësore”.
“Nga ajo që kuptova dje, se ka tendencë që sigurimet të fillojnë me blerjen e barnave e jo të shërbimeve, pritjet e mia për këtë proces janë të errëta”, duke shtuar se e gjithë kjo është vështrim i tij ‘i errët’ në këtë proces. /Gazeta Shneta/