Kolera ka vrarë 214 njerëz në Malavi, por infeksionet nga një prej shpërthimeve më të këqija të vendit, kanë filluar të pakësohen pasi arritën kulmin muajin e kaluar, thanë të mërkurën, ministria e shëndetësisë së vendit.
Vendi i varfër i Afrikës Jugore ka regjistruar 7,499 raste të sëmundjes që nga marsi, në atë që Kombet e Bashkuara thanë se është shpërthimi më i madh që ka goditur vendin në 10 vitet e fundit, shkruan Medical Xpress përcjell Gazeta Shneta.
Ministria e Shëndetësisë, ka njoftuar se 174 raste të reja u raportuan të martën, nga një nivel më i lartë prej më shumë se 200 në ditë në javën e tretë të tetorit.
“Epidemitë formojnë një valë dhe siç tregojnë statistikat, numrat po bien pasi arritën kulmin në tetor,” i tha burimit AFP, Storm Kabuluzi, drejtor i shërbimeve shëndetësore parandaluese në ministrinë e shëndetësisë.
“Ne po punojmë që kjo të jetë vala e fundit duke përdorur një sërë ndërhyrjesh parandaluese”.
Në fillim të kësaj jave, Organizata Botërore e Shëndetësisë (OBSH) dhe agjencia e OKB-së për fëmijë – UNICEF thanë se vendi kishte marrë 2.9 milionë doza të vaksinës orale të kolerës për të rritur fushatën e imunizimit.
Kolera shkaktohet nga një bakter që përgjithësisht transmetohet përmes ushqimit ose ujit të kontaminuar.
Ky infeksion shkakton diarre dhe të vjella dhe mund të jetë veçanërisht i rrezikshëm për fëmijët e vegjël.
Ministria e Shëndetësisë u bëri thirrje udhëheqësve të besimit që të inkurajojnë ndjekësit që të kërkojnë trajtim kur raportojnë simptoma, pasi disa po e shmangnin këtë për arsye fetare.
Në mbarë botën, kjo sëmundje prek nga 1.3 milion deri në katër milion njerëz çdo vit, duke shkaktuar deri në 143,000 vdekje. /Gazeta Shneta/