U.d. Ministrja e Shëndetësisë, Dr. Dafina Gexha-Bunjaku, mori pjesë në amfiteatrin klinik të Pediatrisë me rastin e mbledhjes solemne të fillimit të misioneve tejet të rëndësishme për trajtimin e fëmijëve.
Gexha-Bunjaku, ka takuar përfaqësues të misioneve të përkrahura nga SHBA “Gift of Life International” dhe Holandës “Princess Maxima Hospital Holand”, duke shprehur falenderime të dy organizatave për kontributin e tyre në trajtimin e fëmijëve me sëmundje të lindura të zemrës dhe atyre me sëmundje malinje, përcjell Gazeta Shneta.
“Falë humanizmit të secilit nga ju, iu është kthyer buzëqeshja shumë voglushëve në Kosovë, dhe nuk ka dyshim që gjatë kësaj pune humane profesionistët tonë shëndetësorë kanë përfituar nga dituria dhe përvoja e profesionistëve shëndetësorë të ardhur në Kosovë”.
“Ne synojmë që këto kapacitete që ju po na i ofroni, ne do të i orientojmë në përgatitjen profesionale, por edhe në atë menaxheriale të profesionistëve tonë qoftë duke u trajnuar këtu apo edhe në institucionet shëndetësorë jashtë vendit”, ka thënë Dr. Gexha –Bunjaku.
Mes tjerash, ky mision ka për qëllim që gjatë këtyre shtate ditëve të trajtoj 28 fëmijë me sëmundjet e lindura te zemrës, diagnostikimin dhe trajtimin e fëmijëve me sëmundje në Repartin hemato-onkologjik në Pediatri si dhe edukimin e personelit shëndetësor, thuhet në komunikatën e dhënë. /Gazeta Shneta/