Kryetari i Odës së Stomatologëve të Kosovës (OSK), Prof. Dr. Blerim Kamberi dhe Drejtori i Qendrës Klinike Stomatologjike Universitare e Kosovës Dr.Sc. Kastriot Meqa, kanë nënshkruar një marrëveshje bashkëpunimi.
Kjo komunikatë e lëshuar nga OSK në rrjetin social facebook, ka sqaruar objektivat kyçe nëpër të cilat besohet të kalon marrëveshja mes dy palëve, përcjell Gazeta Shneta.
“Marrëveshja garanton shkëmbimin e përvojave, njohurive profesionale dhe shkencore mbi bazën e reciprocitetit; organizimin e aktiviteteve të përbashkëta në fushën e EVP, si: ligjërata, kongrese/konferenca, tubime shkencore, seminare, simpoziume, trajnime dhe forma tjera të aktiviteteve me qëllim të ngritjes profesionale të stomatologëve në nivel vendi; angazhimin në ofrimin e mundësive të specializimeve në Qendrat tjera, në degët përkatëse, jashtë Republikës se Kosovës; në botime të përbashkëta në Revistën e Stomatologëve të Kosovës; koordinimin e veprimeve që kanë të bëjnë me hartimin e dokumenteve strategjike me interes të përbashkët” thuhet në komunikatën e OSK-ës. /Gazeta Shneta/