Është mbajtur ceremonia përkujtimore në nderim të Profesionistëve Shëndetësor me 16 shkurt.
Kryetarët e Odave të Profesionistëve Shëndetësorë përkujtuan kontributin dhe sakrificën e Profesionistëve Shëndetësor ndër vite, që nga persekutimet e viteve ’50, demonstratat e viteve ’68, ’81, helmimet e nxënësve shqiptar, të demonstratave të ’89-tës, luftën e UÇK-së e deri tek periudha e pandemisë ku sakrifikuan jetën dhe familjarët e tyre në krye të detyrës, përcjell Gazeta Shneta.
Kryetari i Odës së Mjekëve të Kosovës, Dr. Pleurat Sejdiu tha se i përulemi përjetësisht mjekëve dhe të gjithë Profesionistëve Shëndetësor për kontributin e dhënë për dekada. Ai gjithashtu tha se duhet të jemi të bashkuar në mënyrë që të arrijmë rezultate pozitive në çdo aspekt.
Në këtë ceremoni përkujtimore i pranishëm ishte dhe ministri i Shëndetësisë, Dr. Arben Vitia.
Ministri i Shëndetësisë, Dr. Arben Vitia u shpreh se është falënderues ndaj përkushtimit dhe angazhimit të Profesionistëve Shëndetësor ndër vite dhe falënderoi Kryetarët e OPSH-ve për këtë inciativë të ndërmarrë, realizimin e monumentit Obelisku në nderim të Profesionistëve Shëndetësor.
Kryetarët e Odave të Profesionistëve Shëndetësorë gjithashtu shprehën mirënjohje dhe falënderime. /Gazeta Shneta/