Është pensionuar mjeku pediatër në Klinikën e Pediatrisë në QKUK Dr. Bardhyl Abrashi.
Drejtoresha e Klinikës së Pediatrisë Dr. Violeta Grajqevci-Uka e ka vlerësuar lart kontributin e Abrashit në klinikë, gjegjësisht në repartin e Hemato-Onkologjisë, transmeton Gazeta Shneta.
“Mirënjohës gjatë gjithë jetës për kontributin e dhënë për Klinikën e Pediatrisë, gjegjësisht repartin e hemato- onkologjisë. Është dashur shumë punë, sakrificë, guxim e forcë për ta mbajtur këtë repart të bashkuar e me zell. Së bashku me ju dhe ekipën e këtij reparti arritëm deri të këto rezultate që sot i gëzojmë. Forca dhe puna jote e palodhshme gjate ketyre viteve ka treguar rezultatet e tua të suksesshme dhe gjithmonë dinjitoze që nga dita e parë e deri më sot”, ka shkruar Grajqevci-Uka.
Dr. Albana Xani ka thënë se Abrashi ka qenë motivi për mjekët e rinj me këshilla, njohuri dhe inkurajim për punë ekipore.
“Nuk e di si t’ia filloj urimit për Dr.Bardhylin! Po ja filloj që ndihem me fat qe vitët e para të karrieres i kemi fillu me shëmbullin më të mirë të mundshëm siq jeni ju. Përveq kontributit të jashtëzakonshëm që keni dhënë në shëndetësi, me themelimin e onkologjisë pediatrike së bashku me koleget na keni tregu që nuk duhet me u dorëzu para vështirësive. Njëri i palodhshem, nuk do ta harroj kurr motivimin që na e ke dhënë ne mjekëve të ri, këshillat, dashurinë ndaj punës, guximin, inkurajimin për punë ekipore, njohuritë e gjithcka tjetër. E meriton pak pushim por ne kemi nevojë ende për këshilla dhe motivim nga ju, kështuqë uroj të na i japësh edhe shumë gjatë. Urime ditëlindjen dhe pensionimin!”, ka shkruar Xani.
Dr. Flora Selimi ka thënë se Abrashi ka qenë njeriu që i ka përkrahur gjithmonë.
“Dr.Bardhyl, fjalët me të vërtetë qenkan shumë të vogla për t’a pershkruar punën tuaj gjithe këto vite. Të kam njohur që nga koha kur unë u punësova në klinikë pediatrike, dhe që nga atëhere une pata mbështetjen e pakushtëzuar , për misionin tonë të përbashket të trajtimit të fëmijeve me sëmundje malinje ma shumë se 15 vite. Ju jam falënderues, mirënjohes, qe kemi pasur fatin të punojmë , dhe të ndajmë së bashku shume suksese,sfida ,arritje,dështime , festa, gëzime”, ka shkruar Selimi. /Gazeta Shneta/