Ju ndoshta keni dëgjuar se të flini shumë pak – gjashtë orë ose më pak – është e keqe për shëndetin tuaj. Por ç’të themi për të fjetur shumë? A është edhe e mundur kjo?
Po kjo është. Dhe gjumi i tepërt – 10 orë ose më shumë – mund të dëmtojë shëndetin tuaj. Më tej, mund të jetë një shenjë e problemeve themelore shëndetësore, sipas një studimi nga Qendrat për Kontrollin dhe Parandalimin e Sëmundjeve (CDC) të publikuar nga Akademia Amerikane e Mjekësisë së Gjumit, shkruan PremierHealth, transmeton Gazeta Shneta.
Gjumi i tepërt – si dhe gjumi i pamjaftueshëm – rrit rrezikun e sëmundjeve kronike, të tilla si sëmundjet koronare të zemrës, diabeti, ankthi dhe obeziteti tek të rriturit e moshës 45 vjeç e lart.
Gjumi i tepërt ju vë në rrezik më të madh të sëmundjeve koronare të zemrës, goditjes në tru dhe diabetit sesa të flini shumë pak.
Personat që flenë më shumë se 10 orë në ditë, në përgjithësi nuk gëzojnë një shëndet të mirë krahasuar me ata që flenë 7-8 orë në ditë. Në fakt, sa më shumë kalojnë vitet, aq më shumë fle një person.
Michael Irwin, profesor në Shkollën e Mjekësisë në Jutah (SHBA), është i bindur se të flesh shumë do të thotë t’i shkaktosh vetes sëmundje.
Sipas tij, ka disa probleme që shkakton gjumi i tepërt:
Rrit rrezikun e sëmundjeve të zemrës
Kur fle shumë, rrezikon zemrën. Të flesh më shumë se 8 orë në ditë rrit mundësinë e vdekjes nga sëmundjet e zemrës me 34%. Femrat janë të prirura të flenë më shumë sesa meshkujt dhe kjo i bën më të rrezikuara.
Shkakton probleme me peshën
Shumë studime kanë treguar se njerëzit që nuk flenë mjaftueshëm, janë më të shëndoshë. E njëjta gjë mund të thuhet me ata që flenë më shumë seç duhet. Kur fle, nuk je në lëvizje dhe për këtë arsye ka më shumë mundësi të shtosh në peshë, pasi duke fjetur nuk djeg kalori.
Mund të zhvilloni diabet
Shumë gjumë mund të rrisë nivelin e sheqerit në gjak. Glukoza e lartë rrit rrezikun e diabetit.
Truri mjegullohet
Nëse keni probleme me përqendrimin, atëherë ka mundësi që po flini më shumë se 8 orë në ditë. Fjetja e tepërt plak trurin sipas studimeve të fundit.
Rrezikoni vdekje të parakohshme
Është e frikshme, por e vërtetë. Studime të shumta kanë treguar se njerëzit që flenë më shumë janë më të rrezikuar nga vdekja e parakohshme. Kjo sepse diabeti dhe sëmundjet e zemrës njihen si shkurtues jete.
Probleme me humorin
Depresioni dhe gjumi ecin paralel me njëri-tjetrin. Shpesh, njerëzit me depresion flenë shumë. Nga ana tjetër, gjumi i gjatë përkeqëson depresionin
Mos i injoroni problemet e gjumit
Ndjenja e shteruar nga energjia pas gjumit të mjaftueshëm mund të jetë një shenjë e kushteve të tilla si:
Anemia;
Një problem me tiroiden;
Apnea e gjumit;
Pagjumësia.
Apnea e gjumit dhe pagjumësia janë të zakonshme tek njerëzit me sëmundje kronike, ndërhyjnë në gjumin e shëndoshë dhe mund të përkeqësojnë gjendjet kronike shëndetësore, të tilla si sëmundjet e zemrës./Gazeta Shneta/