Tash e sa kohë në hapësirën mbrapa QKMF-së së Lipjanit po qëndron inventari i cili ishte paraparë të dilte në ankand.
Para disa ditësh përmes një postimi në Facebook ka reaguar aktivisti i Lëvizjes Vetëvendosje nga Lipjani, Alban Salihu, i cili ka ndarë një video të pamjes së Qendrës Kryesore të Mjekësisë Familjare në Lipjan dhe oborrit të stërmbushur me inventarin e dëmtuar, shkruan Gazeta Shneta.
Salihu shprehet i mllefosur me papërgjegjësinë e drejtorit shëndetësor për trajtimin e këtyre aseteve që sipas tij u tha se do të dilnin në ankand.
Njoftimi i plotë:
Qendra Kryesore e Mjekësisë Familjare – Lipjan.
Kjo është gjendja e inventarit të QKMF-së në Lipjan. Kur para disa muajve kemi reaguar për këtë, drejtori i shëndetësisë në përgjigjen e tij pati thënë që ky inventar shumë shpejtë do t’i nënshtrohet ankandit publik. Inventari është dëmtuar tejmase pasi ka qëndruar këtu jashtë gjatë gjithë dimrit.
Çfare papërgjegjësie në trajtimin e aseteve të komunës! /Gazeta Shneta/