Policia është në kërkim të pronarit të një laboratori privat në Vushtrri, të dyshuar për “Ushtrim të kundërligjshëm të veprimtarisë mjekësore apo farmaceutike”.
Sipas PK-së, i njëjti kishte vazhduar të jepte shërbime laboratorike, ndonëse inspektorati shëndetësor ia kishte tërhequr vërejtjen.
Kjo pasi që pronari nuk është profesionist shëndetësor.
“Me kërkesë te Ministrisë së Shëndetësisë dhe me urdhër të prokurorit te shtetit, është iniciuar procedurë hetimore ndaj te dyshuarit mashkull kosovar (pronar i një laboratori privat i licencuar) nën dyshimin se (edhe përkundër tërheqjes së vërejtjes nga inspeksioni shëndetësor në mes datave 18-27.04.2023, ne këtë laborator janë kryer shërbime laboratorike, i cili nuk është profesionist shëndetësor. I dyshuari në kërkim policor”, thuhet në njoftimin e PK-së.