Kardiologu dhe shefi i njësisë koronare në Klinikën e Kardiologjisë dr. Artan Ahmeti dyshohet se e ka sulmuar fizikisht kolegun e tij dr. Fisinik Veliu.
Së paku kështu po pretendon ky i fundit i cili ka deklaruar për Gazetën Shneta se është goditur me grusht nga Ahmeti.
“Unë e kam dërguar pacientin në sallë duke mos e ditur se ai është caktuar zv.drejtor meqë drejtori ishte në gjykatë për rastin stenta. Ai (Artani) donte që ta trajtontë para meje një pacient tjetër dhe unë u pajtova por kërkova që ai të sqaronte familjarët. Ai e shtyri pacientin tim jashtë sallës në sy të familjarëve dhe unë pasi e mbylla derën ai doli dhe me goditi me grusht.
Kam marr ndihmë mjekësore në Emergjencë dhe rastin e kam denoncuar në Policinë e Kosovës. E kam njoftuar edhe drejtorinë e SHSKUK-së”, ka deklaruar Veliu.
Krejt këtë ngjarje e ka mohuar kardiologu Ahmeti. Në një deklaratë për Gazetën Shneta ai ka thënë se nuk është e vërtetë.
“Jo nuk është e vërtetë.”, ka deklaruar Ahmeti.
Gazeta ka tentuar të marr edhe një sqarim nga drejtori i Klinikës Dr Lulzim Kamberi, por i njëjti nuk është përgjigjur në thirrjet telefonike. /Gazeta Shneta/