Afro një e pesta e fëmijëve me COVID-19 mund të kenë ende simptoma të vazhdueshme muaj pas infektimit të tyre fillestar, zbulon një studim i ri.
Rishikimi, i 31 studimeve ndërkombëtare, zbuloi se mbi 16% e fëmijëve dhe adoleshentëve me COVID kishin probleme të tilla si dhimbje të fytit, ethe të vazhdueshme, lodhje dhe dobësi të muskujve të paktën tre muaj më vonë, shkruan Medical Xpress përcjell Gazeta Shneta.
Ekspertët thanë se gjetjet shtojnë një pamje ende në zhvillim të mënyrës sesi COVID ndikon tek fëmijët në një afat më të gjatë.
“Ky nuk është një infeksion i parëndësishëm,” tha studiuesi, Zulfiqar Bhutta, bashkëdrejtor i Qendrës për Shëndetin Global të Fëmijëve në Toronto. Ai dhe kolegët e tij raportojnë gjetjet në revistën “Pediatrics”.
Dr. Melissa Stockwell dhe kolegët në Columbia janë pjesë e një studimi të madh kombëtar të quajtur RECOVER, i financuar nga Instituti Kombëtar i Shëndetit të SHBA-së, i cili synon të kuptojë më mirë efektet afatgjata të COVID tek të rriturit dhe fëmijët.
Për rishikimin aktual, ekipi i Bhutta-s analizoi 31 studime të publikuara midis dhjetorit 2019 dhe dhjetorit 2022, që përfshinin më shumë se 15,000 fëmijë dhe adoleshentë me infeksione të konfirmuara COVID. Disa studime u fokusuan te fëmijët që ishin mjaft të sëmurë për t’u shtruar në spital, por shumica përfshinin ata që ishin të sëmurë në shtëpi.
Në përgjithësi, pak më shumë se 16% e fëmijëve patën simptoma tre muaj ose më shumë pas diagnozës së tyre me COVID-duke përfshirë problemet që kishin vazhduar që nga infeksioni ose u shfaqën rishtazi në javët ose muajt më pas.
Simptomat më të zakonshme, që zbuloi ekipi i Bhutta-s, ishin dhimbjet e vazhdueshme të fytit dhe ethet, lodhja, problemet e gjumit dhe dobësia e muskujve.
“Ne e dimë se vaksinimi ul rrezikun e COVID të rëndë”, tha Dr. StockWell.
Bhutta vuri në dukje gjithashtu një hendek tjetër të madh të njohurive: mungesën e studimeve nga vendet me të ardhura të mesme dhe të ulëta. Në ato vende, me akses të kufizuar në vaksina dhe trajtime, prevalenca e COVID-it të zgjatur në mesin e fëmijëve në fakt mund të jetë më e lartë, tha Bhutta. /Gazeta Shneta/