Vetura me targa të huaja kanë bllokuar dje trotuaret brenda hapësirave të QKUK-së.
Disa fotografi të publikuara nga gjinekologu Curr Gjocaj, shihen vetura me targa të huaja të cilat janë parkuar në trotuarin tek Klinika e Gjinekologjisë në QKUK, transmeton Gazeta Shneta.
“Aman bre vëllezër e motra -SIDOMOS në trotuare të hapësirave për pacintet në spitalet tona MOS PARKONI. Ju lutemi shumë shumëëë, mos e bëni lëmsh trafikun dhe parkingjet sepse edhe ashtu me mjaft parregullsi i kemi. Sot dt.04.08.2023 Para Klinikes Obstetrike dhe Gjinekogjike (parkime tërësisht të parregulla dhe në trotuare)”, thuhet në postimin e ish-drejtorit të SHSKUK-së.
QKUK ka një parking i cili ka hapësirë për qindra vetura. Megjithatë shoferët shpesh herë i parkojnë veturat në rrugë ose trotuare duke bllokuar madje edhe qarkullimin e autoambulancave. /Gazeta Shneta/
