Në provat klinike, vaksina e re e Pfizer-it uli ndjeshëm rrezikun e RSV tek foshnjat. Megjithatë, informacioni i rekomandimit të vaksinës paralajmëron për rreziqe të mundshme.
Më 21 gusht, FDA miratoi Abrysvo, një vaksinë kundër virusit sincicial të frymëmarrjes (RSV) e zhvilluar për përdorim te gratë shtatzëna në javën 32 deri në 36 të shtatzënisë për të parandaluar virusi RSV tek foshnjat që nga lindja deri në moshën gjashtë muajshe, shkruan Health News përcjell Gazeta Shneta.
FDA miratoi vaksinën bazuar në dy studime klinike.
Në një provë klinike, të financuar nga Pfizer, rreth 3,500 gra shtatzëna morën vaksinën dhe 3,500 iu dha një placebo.
Rezultatet treguan se vaksina reduktoi rrezikun e sëmundjeve të rënda të frymëmarrjes të lidhura me RSV tek foshnjat me 81.8% brenda 90 ditëve dhe 69.4% brenda 180 ditëve pas lindjes.
Studimi i dytë, që përfshiu një nëngrup prej rreth 3000 pjesëmarrësve gra shtatzëna nga 32 deri në 36 javë të shtatzënisë, gjysma morën vaksinën maternale RSV dhe gjysma morën një placebo.
Në këtë grup, vaksina uli rrezikun e sëmundjeve të frymëmarrjes të lidhura me RSV me 34.7%. Reduktoi rrezikun e sëmundjeve të rënda me 91.1% tek foshnjat brenda 90 ditëve pas lindjes në krahasim me placebo
Megjithëse shumica e infeksioneve RSV janë të lehta, sipas CDC – rreth 58,000 deri në 80,000 fëmijë nën pesë vjeç janë shtruar në spital për shkak të virusit.
Shpresa është se vaksina e re do të zvogëlojë incidencën e sëmundjes në mesin e atyre që janë më të rrezikuar.
A është vaksina e sigurt?
Sipas FDA-së, efektet anësore të raportuara të vaksinës maternale RSV të Pfizer-it përfshinin dhimbje koke, dhimbje në vendin e injektimit, dhimbje muskulore dhe të vjellja.
Megjithatë, pre-eklampsia ndodhi në 1.8% të grave shtatzëna që morën Abrysvo kundrejt 1.4% të atyre që morën një placebo.
Agjencia ka njoftuar gjithashtu se informacionet e Abrysvo përfshin një paralajmërim mbi rreziqet e mundshme të lindjes së parakohshme. Të dhënat e provës treguan se 5.7% e grave përjetuan lindje të parakohshme kundrejt 4.7% që morën placebo. /Gazeta Shneta/