Ministria e Shëndetësisë ka dal me një komunikatë ku ka promovuar mbylljen e katër institucioneve private të palicencuara.
Ministria e ka promovuar Inspektoratin Shëndetësor në një komunikatë për media ku thuhet se janë ndërmarr “shumë aksione” duke mos treguar numrin e tyre. Këto aksione sipas MSH-së, kanë rezultuar me mbylljen e katër ordinancave private të cilat kanë qenë të palicencuara, transmeton Gazeta Shneta.
“Në kuadër të inspektimeve të natyrës specifike ndaj subjekteve për të cilat ka ekzistuar dyshimi i bazuar se ushtrojnë veprimtari të paligjshme, janë identifikuar katër (4) institucione shëndetësore private të cilat kryenin veprimtari të paligjshme, në komuna të ndryshme (Prishtinë, Pejë, Ferizaj, Fushë Kosovë), respektivisht ishin të palicencuara”, thuhet në njoftimin e MSH-së.
Kujtojmë se para disa ditësh ndërroi jetë një grua në një ordinance private në Malishevë pasi kishte hequr dhëmbin. Kjo ordinancë vepronte në kundërshtim me ligjin, por Inspektorati Shëndetësor nuk e kishte inspektuar asnjëherë prej qershorit të vitit 2021 kur e kishte marr licencën nga MSh.
Komunikata e plotë nga MSh për aksionet e “shumta” të ISh-së:
Me qëllim të përmirësimit të shërbimeve në sektorin e shëndetësisë për t’iu siguruar qytetarëve shërbime shëndetësore cilësore dhe të sigurta, Inspektorati i Shëndetësisë në kuadër të angazhimit të vazhdueshëm në koordinim me institucionet tjera, kanë ndërmarrë shumë aksione për inspektimin e institucioneve shëndetësore.
Në kuadër të inspektimeve të natyrës specifike ndaj subjekteve për të cilat ka ekzistuar dyshimi i bazuar se ushtrojnë veprimtari të paligjshme, janë identifikuar katër (4) institucione shëndetësore private të cilat kryenin veprimtari të paligjshme, në komuna të ndryshme (Prishtinë, Pejë, Ferizaj, Fushë Kosovë), respektivisht ishin të palicencuara.
Inspektorati i Shëndetësisë, sipas autorizimeve ligjore, kanë ndërmarrë veprimet e menjëhershme ndaj këtyre subjekteve që kanë kryer shkelje ligjore duke e cenuar rëndë shëndetin publik.
Ministria e Shëndetësisë mbetet e përkushtuar në zbatimin e Ligjit dhe dispozitave të tjera në funksion të rritjes së cilësisë dhe sigurisë së shërbimeve mjekësore dhe kujdesit ndaj qytetarëve në Institucionet Shëndetësore. Ndaj shkelësve të ligjit nuk do të ketë asnjë tolerancë. Subjektet të cilat ofrojnë shërbime shëndetësore duhet të respektojnë të gjitha rregullat e parapara me ligj për ushtrim të veprimtarisë. Së shpejti do të shtohen edhe kapacitetet inspektuese pas përfundimit të procedurave rekrutuese të 25 inspektorëve të rinj shëndetësor, me pranimin e të cilëve numri i inspektorëve shëndetësorë do të shkojë në 37 nga 12 sa janë tani.
Me qëllim të mbrojtjes së shëndetit publik, ofrimit të shërbimeve shëndetësore cilësore dhe zbatimit të ligjit, ftojmë qytetarët që të bashkëpunojnë dhe të sinjalizojnë kur hasin në veprimtari të dyshimta të institucioneve shëndetësore.
Në dispozicion janë numrat kontaktues:
Inspektorati Shëndetësor: 03820024154
Linja e ankesave: 080017777
Zyra për Komunikim me Publikun