Mbi 20 zyrtarë të administratës së SHSKUK-së dhe QKUK-së nuk janë gjetur në vendin e punës të martën në ora 07:30.
Një numër i madh i zyrtarëve të administratës së Shërbimit Spitalor Klinik Universitar dhe Qendrës Klinike Universitare nuk janë gjetur në vendin e tyre të punës të martën vetëm gjysmë ore pas fillimit të orarit, shkruan Gazeta Shneta.
Komisioni për kontrollin e mbarëvajtjes së punës në QKUK i përbërë nga Ferat Sallahu, Enver Hasi, Luan Kuqi, Nezakete Fazliu dhe Arsim Qorolli, kanë inspektuar administratën të martën në ora 7:30 për (mos)respektim të orarit të punës nga zyrtarët. Aty nuk i kanë gjetur 42 zyrtarë, ndërsa vetëm gjysma prej tyre kanë pasur vendim për pushim.
Sipas raportit të cilin e ka parë Gazeta, në vendin e punës nuk kanë qenë E.Z., A.D., M.K., A.G., M.F., S.B., M.B., Sh.Rr., E.M., E.F., Sh.J., S.K., A.U., D.H., I.K., H.R., V.F., A.S., M.H., A.S., S.B., A.J., F.M., E.G., B.Z., R.F..
Pjesa tjetër e zyrtarëve që nuk kanë qenë në vendin e punës, sipas raportit kanë vendim për pushim vjetor, mjekësor ose pa pagesë.
Mbetet të shihet për masat që do të ndërmerren nga administratat e SHSKUK-së dhe QKUK-së pas këtij raporti. /Gazeta Shneta/