Ministrja e Shëndetësisë së Shqipërisë, Albana Koçiu ka njoftuar se në Qendrën Spitalore ‘’Nënë Tereza’’ është realizuar ndërhyrja e parë miniinvazive për heqjen e tumorit të kokës, me endoskop.
Përmes një postimi në Facebook, drejtoresha Albana theksoi se metodika shmang hapjen klasike të përdorur deri tani, dhe nuk prek syrin, as lë shenjë nga pikëpamja estetike, shkruan Gazeta Shneta.
“Për herë të parë, në Qendrën Spitalore ‘Nënë Tereza’, është realizuar ndërhyrja miniinvazive për heqjen e tumorit të kokës, me endoskop, që shmang hapjen klasike të përdorur deri tani, dhe nuk prek syrin, as lë shenjë nga pikëpamja estetike,- bëri të ditur drejtoresha Albana.
Ajo falënderoi mjekët të cilët realizuan këtë ndërhyrje.
Falë punës së shkëlqyer, mjaft delikate, të një ekipi multidisiplinar, ka përfunduar me sukses heqja e plotë e tumorit të kokës, përmes syrit. Falenderime të pakursyera mjekëve, Prof. Artur Xhumarit, mjekut neurokirurg, Dr. Ermal Simaku, mjek okulist, Dr. Marjon Sako, mjek maksilo facial, Dr. Myfit Saraçit, mjek anestezist, dhe të gjithë ekipit për këtë punë të rrallë”- shkruan Koçiu.
/Gazeta Shneta/