Kardiologu shqiptar Ardian Mustafai është emëruar kryemjek kryesor në repartin e Kardiologjisë në Klinikën “Essen Nordrhein-Westfalen” në Gjermani.
Lajmin e ka bërë të ditur vet mjeku përmes një postimi në profilin e tij në Facebook, transmeton Gazeta Shneta.
“Të nderuar e respektuar Familjarë, Miq, Shokë, Kolegë e dashamirë. Nga ana e Klinikës në ESSEN Nordrhein-Westfalen të Gjermanisë, jam emëruar LEITENDER OBERARZT pra Kryemjek Kryesorë si dhe Bashkëdrejtues i Repartit të Kardiologjisë. Me Punë arrihet çdo gjë. Vazhdojmë më tutje”, ka shkruar Mustafai.
Mustafai është specialist i kardiologjisë me prejardhje nga Tetova. Ai ka studiuar në Fakultetin e Mjekësisë në Universitetin e Prishtinës. Ai punon në Gjermani që nga viti 2013. /Gazeta Shneta/
