Gjigandi farmaceutik zviceran Novartis raportoi të hënën rezultate pozitive të ndërmjetme të fazës III për një ilaç të ri që po studiohet për të trajtuar një sëmundje të rrallë të veshkave.
Novartis ka njoftuar se trajtimi terapeutik, Iptacopan, kishte arritur rezultate të rëndësishme klinike gjatë nëntë muajve në një studim, të quajtur APPLAUSE-IgAN, për pacientët me nefropati imunoglobulinike A (IgA) ose IgAN, raporton AFP përcjell Gazeta Shneta.
Nefropatia imunoglobulinike A është një sëmundje e rrallë autoimune që prek kryesisht të rinjtë, e cila mund të çojë në dështim të veshkave.
Studimi do të vazhdojë edhe për 15 muaj të tjerë. Në total, ai do të mbulojë rreth 450 pacientë të rritur me nefropati imunoglobulinike A primare, të cilët janë në rrezik të lartë për të përparuar në dështim të veshkave.
Kompania ka thënë se ilaçi Iptacopan ishte në rezultatet e ndërmjetme, “demostruar epërsi kundrejt placebo në reduktimin e proteinurisë (proteina në urinë) dhe ofroi një reduktim të proteinurisë klinikisht domethënëse dhe shumë statistikisht të rëndësishme”.
Grupi zviceran shtoi se synonte t’i dorëzonte rezultatet agjencisë amerikane të barnave, FDA, për miratim të përshpejtuar në 2024.
Rreth 25 nga çdo milion njerëz në mbarë botën diagnostikohen me nefropati imunoglobulinike A çdo vit.
Kompania zvicerane shtoi se deri në 30 përqind e njerëzve që kanë nefropati imunoglobulinike A me nivele të vazhdueshme të larta të proteinurisë mund të vuajnë nga dështimi i veshkave brenda 10 viteve. /Gazeta Shneta/