Prokuroria ka bërë të ditur se ka lëshuar disa autorizime për kryerjen e ekzaminimeve në Institutin e Mjekësisë Ligjore, për të sqaruar shkaqet e incidentit me zjarr.
Në një përgjigje për Klan Kosova, është thënë se në bazë të gjeturat do të ndërrmarrin veprimet në kuadër të dispozitave të KPPRK-së.
“Ju njoftojmë se me të pranuar informatën nga Policia e Kosovës lidhur me incidentin e zjarrit në Institutin e Mjekësisë Ligjore në Prishtinë, Prokurori i Shtetit ka dalë në vendin e ngjarjes bashkë me të gjitha njësitë relevante për t’i ndërmarrë të gjitha veprimet e nevojshme hetimore, me qëllim të sqarimit të shkaqeve të këtij incidenti. Prokurori i Shtetit ka lëshuar disa autorizime për kryerjen e ekzaminimeve nga vendi i ngjarjes dhe nga të gjeturat e tyre eventualisht në rast të paraqitjes së elementeve të veprës penale, do t’i ndërmerrë veprimet e mëtejme konform dispozitave të KPPRK-së”, thuhet në përgjigje.
Prokuroria në koordinim të plotë me Policinë e Kosovës, IML-në dhe institucionet e tjera relevante janë duke vazhduar me ndërmarrjen e veprimeve hetimore deri në sqarimin e plotë të rastit në fjalë./Klan Kosova/
