Lufta në Rripin e Gazës, përveçse po prodhon shumë viktima në radhët e civilëve, po shton edhe sëmundjet ngjitëse. Shkak për këtë të fundit, sipas OKB-së, janë bërë mbipopullimi dhe kushtet e këqija higjenike në vendet ku janë strehuar palestinezët, raporton Ansa.
Ndër problemet që janë shfaqrur janë diarreja, infeksionet akute të frymëmarrjes, kushtet e lëkurës dhe higjienës si p.sh. morrat, bën të ditur zyra e OKB-së për Çështjet Humanitare.
Në vendstrehimet ndodhen 9 herë më shumë persona se sa ishte parashikuar.
Kujtojmë se të paktën 18,205 palestinezë kanë mbetur të vdekur dhe 49,645 të tjerë kanë mbetur të plagosur në Gaza që prej fillimit të luftës më 7 tetor.
Lajmi konfirmohet nga ministria e Shëndetësisë të drejtuar nga Hamasi në Gazë. Sipas raportit, deri më 6 dhjetor rreth 70% e viktimave ishin gra dhe fëmijë, por nuk ka dhënë një ndarje të detajuar ditët e fundit./vizionplus.tv