Sëmundjet e zemrës mbeten shkaku kryesor i vdekjeve në Shtetet e Bashkuara të Amerikës, por po bëhet përparim dhe po shpëtohen më shumë jetë, zbulon një raport i ri, shkruan Klan Kosova.
Kishte 931 mijë e 578 vdekje të lidhura me zemrën më 2021, një rritje prej më pak se 3,000 nga një vit më parë, tregoi raporti nga Shoqata Amerikane e Zemrës (AHA).
Por në përgjithësi, shkalla e vdekjeve nga sëmundjet e zemrës ka rënë me 60% që nga vitet 1950, vunë në dukje ekspertët e AHA-së.
“Kur Shoqata Amerikane e Zemrës u themelua 100 vjet më parë, sëmundja e zemrës u konsiderua si një dënim me vdekje. Pak dihej se çfarë e shkaktoi atë dhe aq më pak se si të kujdeseshim për njerëzit që jetonin dhe vdisnin prej saj”, tha Dr. Joseph Wu. president vullnetar i Shoqatës Amerikane të Zemrës.
“Njohuritë që vazhdojmë të fitojmë nëpërmjet kërkimeve dhe të dhënave të tilla si ato të raportuara në këtë përditësim statistikor po ndihmojnë në arritjen e një hapi të rëndësishëm”, shtoi Wu, drejtor i Institutit Kardiovaskular Stanford, në një njoftim për lajmet e AHA. “Megjithëse shumë njerëz vdesin çdo vit, shumë prej tyre jetojnë më gjatë dhe më produktive duke menaxhuar sëmundjet e tyre kardiovaskulare dhe faktorët e rrezikut”.