Organizata Botërore e Shëndetësisë (OBSH) bën të ditur se numri i njerëzve me obezitet në mbarë botën është trefishuar në 50 vitet e fundit. Kjo tendencë po përhapet në mënyrë të shpejtë në të gjithë botën, veçanërisht në Shtetet e Bashkuara dhe Evropë.
Njerëzit me obezitet përcaktohen si ata me një indeks të masës trupore (BMI) më shumë se 30. Obeziteti ka një gamë të gjerë të rreziqeve për shëndet, duke përfshirë presionin e lartë të gjakut, kolesterolin e lartë, apneën e gjumit, sëmundjet koronare të zemrës, goditjet në tru, disa lloje kanceri dhe diabetin e tipit 2, shkruan Medical News, transmeton Gazeta Shneta.
Një studim i Universitetit të Goteborgut, Suedi, ka zbuluar se disa njerëz me obezitet kanë më shumë gjasa të përparojnë në çrregullime metabolike sesa të tjerët. Për shkak të prishjes së funksionit të qelizave të bardha të gjakut të quajtura makrofagë, disa prej tyre kanë një rrezik më të lartë për zhvillimin e diabetit të tipit 2.
Studimi i kryer në minj zbuloi se ky proces inflamator mund të çojë në një shkallë më të lartë të inflamacionit, duke rritur mundësinë e diabetit të tipit 2 te njerëzit me obezitet.
Kjo gjetje paraqet një hap të rëndësishëm për të kuptuar më mirë lidhjen midis obezitetit dhe kësaj sëmundjeje të rëndë, duke hapur rrugën për intervencione dhe trajtime më efektive në të ardhmen.
Studimi është publikuar në PNAS./Gazeta Shneta/