ShSKUK-ja dhe shoqata “KAIROS Osteopatia e Medicine Integrata” e Italisë nënshkruan memorandum bashkëpunimi për trajtimin osteopatik të fëmijëve në Klinikën e Pediatrisë në QKUK.
Nënshkrimi u bë nga zëvendësuesi i drejtorit të përgjithshëm të QKUK-së, Osman Hajdari, dhe kryetari i shoqatës “KAIROS Osteopatia e Medicine Integrata”, dr. Tomaso Ferron, përcjell Gazeta Shneta.
Marrëveshja është për 2 vite me mundësi vazhdimi dhe përfshin edhe trajnime në Itali për profesionistët shëndetësorë të QKUK-së.
Njoftimi i plotë:
Shërbimi Spitalor Klinik dhe Universitar të Kosovës dhe shoqata “KAIROS Osteopatia e Medicine Integrata” e Italisë, nënshkruan Memorandum Bashkëpunimi, me qëllim për realizimin dhe organizimin e trajtimeve osteopatike (trajtimin e problemeve mjekësore duke shtypur dhe lëvizur në mënyrë manual muskujt dhe kockat), për fëmijët e shtruar në Klinikën e Pediatrisë në QKUK.
Në emër të drejtorit të përgjithshëm të SHSKUK-së, Elvir Azizi, Marrëveshja u nënshkrua nga zëvendësuesi i drejtorit të përgjithshëm të QKUK-së, Osman Hajdari si dhe kryetari i shoqatës “KAIROS Osteopatia e Medicine Integrata”, dr. Tomaso Ferron, marrëveshje kjo e nënshkruar për kohëzgjatje prej 2 vitesh, me mundësi vazhdimi.
Përmes bashkëpunimit të ndërsjellë, profesionistët shëndetësor të QKUK-së do të mund të trajnohen në Itali, për të thelluar trajnimet dhe bashkëpunimet teorike dhe praktike, në interes të përgjithshëm të qytetarëve të Republikës së Kosovës. /Gazeta Shneta/