Një 45-vjeçar në Indi, i cili u përplas nga një tren dhe humbi gjymtyrët e sipërme, ka kryer me sukses transplantin e duarve në një spital privat.
Ngjarja tragjike ndodhi kur Kumar po kalonte me biçikletën pranë hekurudhës pranë shtëpisë së tij. Në një moment humbi kontrollin dhe u përplas nga një tren, duke humbur gjymtyrët e sipërme në aksident, shkruan PTI, transmeton Gazeta Shneta.
Për të, mundësia e vetme ishte transplantimi i duarve. Ai fillimisht kishte përdorur proteza, por kishte vështirësi me përshtatjen. Shpresa e tij u rrit kur më në fund u realizua mundësia e transplantit të duarve në spitalin Sir Ganga Ram.
Procedura e transplantimit ishte e mundur falë vullnetit të familjes së një zëvendësdrejtoreshë së një shkolle në Delhi për të dhënë organet e saj pas vdekjes. Më 19 janar, një ekip kirurgësh u përpjek për të kryer me sukses transplantimin e duarve në Kumar, duke integruar me sukses kockat, arteriet, venat, tendinat, muskujt, nervat dhe lëkurën.
Mjeku Mahesh Mangal, kryetar i Departamentit të Kirurgjisë Plastike dhe Kozmetike në spital, tha se preciziteti dhe ekspertiza ishin thelbësore për suksesin e kësaj procedure të ndërlikuar. Pas daljes nga spitali, pritet që Kumar të ndjehet më mirë dhe të përshtatet me duart e reja të transplantuara./Gazeta Shneta/