Studimi i kryer nga shkencëtarët në Kolegjin Universitar të Londrës ka sjellë disa zbulime të rëndësishme lidhur me përdorimin e cigaret elektronike dhe rrezikun e kancerit. Pas analizës së ADN-së së mbi 3,500 individeve, u evidentua se përdoruesit e cigareve elektronike dhe duhanpirësit kishin ndryshime të ngjashme në ADN-në e tyre, të lidhura me zhvillimin e kancerit të mushkërive te duhanpirësit.
Autorja kryesore e studimit, Dr. Chiara Herzog, theksoi se megjithëse konsensusi shkencor është se cigaret elektronike janë më të sigurta se pirja e duhanit, është e rëndësishme të vazhdohet me kërkime të mëtejshme për të eksploruar rreziqet e mundshme afatgjata të përdorimit të tyre dhe lidhjet me kancerin, shkruan The Times, transmeton Gazeta Shneta.
Studimi në fjalë ka treguar se edhe përdoruesit e cigareve elektronike që kishin konsumuar më pak se 100 cigare në jetën e tyre kishin ndryshime në ADN-në e tyre, duke theksuar nevojën për kërkime shtesë për të kuptuar ndikimin afatgjatë të cigaret elektronike në shëndetin e njeriut.
Dr. Ian Walker nga Cancer Research UK ka shtuar se megjithëse dekadat e kërkimeve kanë vërtetuar lidhjen midis pirjes së duhanit dhe kancerit, studimet aktuale tregojnë se cigaret elektronike janë më pak të dëmshme, por ende nuk janë pa rrezik.
Prandaj, është e rëndësishme të vazhdohet me kërkime për të zbuluar ndikimet e mundshme afatgjata të përdorimit të tyre në shëndetin e njeriut./Gazeta Shneta/