Një kurë për HIV mund të jetë në horizont, pasi shkencëtarët kanë arritur të eliminojnë virusin nga qelizat në laborator. Me përdorimin e teknologjisë Crispr-Cas për modifikimin e gjeneve, ata janë në gjendje të synojnë ADN-në e HIV-it dhe të fshijnë gjurmët e virusit nga qelizat e infektuara.
Kjo teknologji, e njohur për suksesin e saj në fushën e modifikimit të gjeneve, mund të zbatohet për të shërbyer si një regjim i fortë dhe i sigurt për shërimin e HIV-it për të gjithë. Shkencëtarët në Universitetin e Amsterdamit kanë zhvilluar një sulm efikas ndaj virusit në qeliza të ndryshme, hap që mund të çojë në një terapi më të gjerë për luftimin e shumë variantëve të HIV-it, shkruan Sky Neës, transmeton Gazeta Shneta.
Studiuesit e vlerësojnë këto gjetje si një hap të rëndësishëm drejt zhvillimit të një strategjie efektive të kurimit.
Përpjekjet e tyre përfshijnë optimizimin e rrugës për të synuar shumicën e qelizave të rezervuarit të HIV-it, duke siguruar një ekuilibër midis efikasitetit dhe sigurisë për aplikimet klinike të ardhshme.
Ndërkohë, në Mbretërinë e Bashkuar, shkalla e testimit të HIV-it midis heteroseksualëve ka rënë ndjeshëm, por numri i rasteve të reja të HIV-it vazhdon të jetë i lartë. Kjo tregon nevojën për zhvillimin e terapive të reja dhe për përpjekjet e vazhdueshme në luftën kundër HIV-it në nivel global./Gazeta Shneta/