Një kombinim i lëngjeve nga selinoja, karotat dhe mollët ofron një ilaç natyral për problemet me stomakun si urthi gastriti dhe çështjet me tretjen. Lëngu i përgatitur nga këto përbërës përmban vitaminat, minerale dhe fibrat që janë të rëndësishme për shëndetin gastrointestinal.
Selinoja ka veti antinflamatore dhe antioksidante që ndihmojnë në reduktimin e inflamacionit të stomakut dhe në mbështetjen e sistemit tretës. Karotat, të pasura me beta-karoten dhe vitaminën A, ndihmojnë në riparimin dhe mbajtjen e një linje të shëndetshme mbrojtëse të stomakut. Ndërkaq, mollët me fibrat e tyre, veçanërisht pectin, ndihmojnë në rregullimin e tretjes dhe ushqejnë bakteret e mira në zorrë, shkruan NIH, transmeton Gazeta Shneta.
Kombinimi i këtyre tre përbërësve në një lëng ofron një gamë të gjerë të lëndëve ushqyese që përmirësojnë funksionimin e stomakut dhe tretjes, si dhe kontribuojnë në forcimin e imunitetit dhe uljen e rrezikut të sëmundjeve kronike.
Konsumi i rregullt i këtij lëngu mund të ulë aciditetin në stomak, të përmirësojë lëvizshmërinë e zorrëve dhe të forcojë barrierën mbrojtëse të mukozës së stomakut, duke ndihmuar në parandalimin e kapsllëkut dhe të sëmundjeve të tjera të stomakut./Gazeta Shneta/