Oda e Mjekëve të Kosovës ka njoftuar se kanë nënshkruar marrëveshje me Spitalin Klinik të Zagrebit për profilizimin dhe programin specifik të trajnimeve për mjekët kosovar.
Përmes një postimi OMK-ja thanë se ky memorandum mirëkuptimi synon të lehtësoj zbatimin e programeve specifike të trajnimit (profilizimit) në metoda të ndryshme si trajnime në vendin e punës dhe mentorimi, shkruan Gazeta Shneta.
Objektivi kryesor është bartja e njohurive teorike dhe praktike nga stafi profesional dhe shkencor i SMUHC-së, në Zagreb, tek mjekët kosovarë, të cilët më pas do ti sjellin dhe do ti praktikojnë këto njohuri në institucionet publike përkatëse.
Njoftimi i plotë:
Nënshkruhet marrëveshja mes Odës së Mjekëve të Kosovës dhe Spitalit Klinik të Zagrebit për profilizimin dhe programin specifik të trajnimeve për mjekët Kosovar.
Ky memorandum mirëkuptimi synon të lehtësoj zbatimin e programeve specifike të trajnimit (profilizimit) në metoda të ndryshme si trajnime në vendin e punës dhe mentorimi.
Si objektiv kryesor është bartja e njohurive teorike dhe praktike nga stafi profesional dhe shkencor i SMUHC-së, në Zagreb, tek mjekët kosovarë, të cilët më pas do ti sjellin dhe do ti praktikojnë këto njohuri në institucionet publike përkatëse.
Përzgjedhja e mjekëve është bërë dhe do të bëhet nga OMK në bashkëpunim me institucionet shëndetësore, nga sektori publik, të selektuar në bazë të nevojave specifike sistemit të shëndetit publik në Kosovë dhe në bazë të kësaj grupi i parë i mjekëve do të dërgohet brenda këtij muaji për të ndjekur trajnimin në Spitalin Klinik të Zagrebit.
Këto trajnime specifike dhe profilizime do të financohen nga Oda e Mjekëve të Kosovës.
/Gazeta Shneta/