Festivali i fokusuar në solidaritetin dhe përfshirjen sociale për personat me nevoja të veçanta do të zhvillohet nga datat 13-15 maj.
Kryeqyteti i Kroacisë, Zagrebi, po pret një “Festival të të Drejtave të Personave me Nevoja të Veçanta” tre-ditor në Qendrën Kulturore “Peščenica”, duke shfaqur ekspozita, filma dhe seminare që synojnë nxitjen e solidaritetit dhe përfshirjes sociale për personat me nevoja të veçanta, si dhe rritjen e ndërgjegjësimit për sfidat e përditshme me të cilat përballen ata, shkruan Euronews Health përcjell Gazeta Shneta.
Koordinatorja e projektit, Sara Markus, tha për Euronews se festivali thekson ndikimin pozitiv të personave me nevoja të veçanta në shoqëri.
“Shpesh, fokusi është te të drejtat që u mohohen personave me nevoja të veçanta, pengesat që hasin dhe betejat e tyre”, tha ajo. “Megjithatë, nuk diskutohet aq shumë për kontributet e tyre në shoqëri dhe çfarë ata janë vërtet të aftë të arrijnë”.
Festivali përmban gjithashtu vepra arti nga krijuesit me nevoja të veçanta.
Iva Majcek, e cila punon në Qendrën Kulturore “Peščenica”, tha se: “Ne duam të tregojmë se gjithçka është e mundur. Edhe kur mendon se nuk mundesh, mundesh. Ne kemi artistë me nevoja të veçanta të ndryshëm këtu, dhe çfarë ata kanë krijuar dhe vazhdojnë të krijojnë është vërtet e bukur dhe magjepsëse.”
Në vitin 2022, 27% e popullsisë së BE-së mbi moshën 16-vjeç kishte një formë të aftësisë së kufizuar, sipas Eurostat, agjencia e statistikave e Komisionit të BE-së. Shifra përfaqëson afërsisht 101 milionë njerëz ose një në katër të rritur në BE. /Gazeta Shneta/