Ashtu si të rriturit, fëmijët kanë nevojë për shumë fibra në dietën e tyre ushqyese.
Fibra është pjesë e asaj që ushqen rritjen dhe zhvillimin normal të një fëmije. I ndihmon ata të ndihen të ngopur më gjatë, kontrollon nivelet e sheqerit në gjak, ul kolesterolin dhe promovon lëvizjet e rregullta të zorrëve, shkruan burimi Health Day transemton Gazeta Shneta.
“Ne shohim përmirësime në menaxhimin e sëmundjeve si diabeti kur marrja e fibrave është adekuate. Kënaqësia dhe ngopja e përmirësuar nga ushqimi që po konsumojmë është evident kur ato përmbajnë më shumë fibra dhe kjo në fund ndikon në menaxhimin e peshës,” tha Stephanie Di Figlia-Peck, koordinatore e të ushqyerit në Qendrën Mjekësore të Fëmijëve Cohen në New York City.
Një fëmijë që është ende i uritur do të vazhdojë të hajë, kështu që “një vakt i mbushur, i kënaqshëm dhe më i pasur me fibra do t’i japë fund episodit të të ngrënit më shpejt”, tha ajo.
Megjithatë, shumica e fëmijëve amerikanë nuk po marrin fibra të mjaftueshme në dietën e tyre. Një studim i fundit në revistën “BMC Pediatrics”, zbuloi se pak fëmijë të vegjël po merrnin sasinë e rekomanduar të fibrave në dietën e tyre.
Ushqimet e pasura me fibra për fëmijët përfshijnë frutat, perimet, drithërat dhe bishtajoret.
Ka shumë fibra në drithëra si tërshëra, orizi kafe, makaronat me grurë të plotë. Bishtajoret e pasura me fibra përfshijnë fasulet, thjerrëzat. Soja dhe bajamet janë gjithashtu të pasura me fibra.
Perimet e pasura me fibra përfshijnë brokolin dhe avokado. Frutat si mjedra, manaferra, dardha, portokalli, bananet dhe mollët janë gjithashtu të pasura me fibra. /Gazeta Shneta/