Shitja e ilaçeve pa banderola është bërë një shqetësim në rritje në vendin tonë, e cila mund të paraqes problem edhe në shëndetin e qytetarëve.
Këto ilaçe, të cilat shpesh qarkullojnë në tregun e zi nuk ofrojnë ndonjë garanci dhe efikasitet në përdorimin e tyre.
Së fundmi, Policia e Kosovës ka sekuestruar barna të tilla, të cilat kanë kapur vlerën prej 1.500 euro.
Në lidhje me këtë çështje, nënkryetarja e Odës së Farmacistëve të Kosovës, Jehona Hakaj, u shpreh shqetësuese, që sipas saj kjo së pari e prek shëndetitn e pacientit.
“Këtu direkt preket edhe shëndeti i pacientit, se ne po flasim për një ilaç edhe nuk po e mendojmë pasojen e efektivitetit të atij bari. Se mos ruajtja e atij bari në kushtet të cilat është paraparë të ruhet ai ilaç, na sjellë edhe mos përmisim të shëndetit”, tha ajo në një intervistë dhënë për GazetaBlic.
Hakaj, theksoi se këto ilaçe që shiten pa banderola nuk janë shumë të sigurta, si në rrugën e prurjes së saj në vendin tonë, ashtu edhe në marrjen e saj.
Nënkryetarja e OFK-së, apelon tek qyetetarët që të konsumojnë ilaqe vetëm me banderola.
”Ilaçi pa banderolë nuk është i sigurtë, rruga e pruarjes në Kosovë nuk ka qenë e sigurt, ruarja e tij nuk është e sigurt, e ku mund të jetë marrja e atij ilaçi e sigurt. Unë e di që kostoja financiare është e rëndësishme, por nëse për pak është dallimi i ilaçit me banderolë dhe pa banerolë, atëherë unë bëjë apel tek pacientët që ilaçin me banderolë ta konsumojnë”, u shpreh Hakaj.
Ndërsa, njohësi i shëndetësisë, Bujar Vitia, në një prononcim dhënë për GazetaBlic, u shpreh se kjo çështje është një nga rreziqet më të mëdha që iu kanoset qytetarëve në vendin tonë, si dhe krejt kjo po bëhet për përfitime financiare.
”Shitja e barnave pa banderola, dmth të paregjistruara në Agjencinë për Produkte dhe Pajisje Medicinale, është një nga rreziqet më të mëdha që iu kanoset pacientëve kosovarë. Shitja e këtyre barnave bëhet për përfitime të mëdha financiare, por rrezikojnë direkt shëndetin e qytetarëve meqë nuk janë të kontrolluara dhe nuk dihet siguria e tyre”, potencoi Vitia.
Poashtu, njohësi i shëndetësisë, thekson se kjo përveç dëmtimit të qytetarit, kjo e dëmton edhe tregun farmaceuntik, dhe që sipas tij as farmacistët nut duhet të pranojnë që të bëjnë shitje të tilla, në atë mënyrë për t’a ruajtur edhe etikën e tyre profesionale.
Ndryshe, se çfarë ndikimi ka kjo shitje e barnave pa banderola në ekonominë e vendit, njohësi i çështjeve ekonomike Jakup Bellaqa shprehet se kjo krijon informalitet ekonomik, e cila edhe e përkeqëson situatën e çmimeve në tregun e barnave.
“Shitjet e barnave pa banderolla sigurishte se ndikon negativishte në tregun e zi, arsyja bazë është se kjo krijon informalitet ekonomik sepse së pari origjina e këtyre barnave është e dyshimtë se nuk posedon dokumentacion të rregullt dhe nuk paguhen obligimet ndaj shtetit të Kosovës.
Gjithashtu edhe e përkeqson situatën e çmimeve në tregun e barnave duke shitur me çmim te ultë dhe jo sipas ofertës dhe kërkesës së tregut dhe kjo kontribon që ta stimulon ekonominë”, përfundoi Bellaqa.