Nuk ka kthim prapa nga qasja ndaj politikëbërjes shëndetësore të BE-së e zhvilluar gjatë pandemisë COVID – dhe kjo është arsyeja pse ajo duhet të mbetet lartë në axhendë, tha komisionerja e shëndetësisë në një intervistë për Euronews Health Summit.
Në një intervistë ekskluzive, komisionerja Stella Kyriakides, theksoi se si pandemia shënoi një pikë kthese për politikën shëndetësore të BE-së, përcjell Gazeta Shneta.
“Me COVID, ne dëshmuam një ndryshim paradigme në shëndetësi. Kjo na tregoi se jemi më të fortë kur punojmë së bashku dhe koordinohemi si shtete anëtare”, tha ajo.
Kyriakides, e cila mori detyrën në vitin 2019, fillimisht u përqendrua në industrisë farmaceutike të BE-së, trajtimin e rezistencës antimikrobike dhe avancimin e nismave kyçe si Hapësira Evropiane e të Dhënave Shëndetësore dhe Plani i BE-së për të mposhtur kancerin.
Një nga arritjet më krenare të komisioneres ishte shpërndarja e suksesshme e vaksinave COVID në të gjitha vendet anëtare të BE-së në të njëjtën kohë gjatë pandemisë. “Ai moment ishte shumë i veçantë në mandatin tim,” kujton Kyriakides.
Iniciativat e mëdha si adresimi i shëndetit mendor dhe avancimi i planit të mposhtjes së kancerit do të vazhdojnë të kërkojnë vëmendje nga ekipi i ardhshëm drejtues, shtoi ajo. /Gazeta Shneta/