Një studim i ri sugjeron se një mëngjes i pasur me karbohidrate për meshkujt dhe një mëngjes i pasur me yndyra për femrat ndihmon në fillimin e ditës në mënyrë të shëndetshme. Sipas këtij studimi, ndryshe nga meshkujt, femrat ruajnë më shumë yndyrë, por e djegin atë më shpejt për të marrë energji.
Diferenzat metabolike midis meshkujve dhe femrave nuk janë studiuar aq thellë, pjesërisht për shkak të fokusit historik të kërkimeve në shëndetin e meshkujve. Një nga autorët e studimit sugjeron se këto ndryshime metabolike mund të lidhen me fazat e ndryshme komplekse të jetës së femrave, siç është shtatzënia, shkruan Medical News, transmeton Gazeta Shneta.
Studimi, i realizuar nga kërkuesit në Universitetin e Waterloo në Kanada, tregon se për nivele optimale të energjisë dhe shëndetit, metabolizmi i meshkujve përgjigjet më mirë ndaj një mëngjesi të pasur me karbohidrate pas një nate pa ngrënie, ndërsa femrat përfitojnë më shumë nga vaktet me një përqindje më të lartë yndyre.
Zgjedhja e ushqimeve të duhur për metabolizmin tuaj mund të ndihmojë gjithashtu në humbjen dhe ruajtjen e peshës. Metabolizmi përfshin një seri komplekse procesesh kimike në trup, ku substancat ushqyese shndërrohen në energji, ndodh rritja dhe riparimi i dëmtimeve celulare.
Studimi bazohet në një model matematikor që lejon simullimin e ndikimit të zgjedhjeve të ndryshme dietike në metabolizmat e meshkujve dhe femrave. Ky model ndihmon për të mbushur boshllëqet në njohuritë ekzistuese rreth mënyrës se si meshkujt dhe femrat procesojnë yndyrën.
Autoret e studimit theksojnë se këto diferenca metabolike mund të rezultojnë në ndryshime në përgjigjet metabolike dhe rrezikun për sëmundje, kështu që është e rëndësishme të kuptojmë më thellë këto ndryshime. Studimi është botuar në Computers in Biology and Medicine./Gazeta Shneta/