Rastet e ekzemës së gjendjes autoimune të lëkurës duket se rriten në zonat më të prekura nga ndotja e ajrit, tregon një studim i ri.
Meqenëse të dhënat kanë treguar prej kohësh se shkalla e ekzemës – e njohur klinikisht si dermatiti atopik – rritet së bashku me industrializimin, ajri i ndotur mund të jetë një faktor lidhëse, sipas ekipit nga Universiteti Yale shkruan burimi Health Day përcjell Gazeta Shneta.
“Duke treguar se individët në Shtetet e Bashkuara që janë të ekspozuar ndaj grimcave [në ajër] kanë më shumë gjasa të kenë ekzemë, thellon të kuptuarit tonë për implikimet e rëndësishme shëndetësore të ndotjes së ajrit të ambientit,” shkruajnë studiuesit e udhëhequr nga Gloria Chen.
Ekipi i saj publikoi gjetjet e tyre më 13 nëntor në revistën “PLOS ONE”.
Sipas Shoqatës Kombëtare të Ekzemës, mbi 31 milionë amerikanë kanë këtë çrregullim të lëkurës, “një grup sëmundjesh inflamatore të lëkurës që shkaktojnë kruajtje, lëkurë të thatë, skuqje, njolla me luspa, flluska dhe infeksione të lëkurës”.
Shkaqet e sakta të ekzemës nuk janë të qarta, por mendohet se e ka origjinën në një sistem imunitar tepër aktiv që i përgjigjet faktorëve të caktuar mjedisor.
Përveç kësaj, ajri i ndotur te “individët [të diagnostikuar tashmë] me ekzemë mund të lidhet me rrezikun më të lartë për përkeqësim të sëmundjes ose shpërthimeve akute”, shkruajnë studiuesit.
Në ditët me smog, “pacientët mund të këshillohen të qëndrojnë brenda, të filtrojnë ajrin e brendshëm ose të mbulojnë lëkurën e ekspozuar nga jashtë,” shtuan studiuesit. /Gazeta Shneta/