Ushqimet e pasura me kalium mund të ndihmojnë në mbrojtjen e kockave dhe nyjeve, gjë që është jetike kur bëhet fjalë për trajtimin e simptomave të artritit.
Artriti mund të jetë një gjendje e pakëndshme dhe e dhimbshme për të jetuar. Llojet e ndryshme të gjendjes mund të shkaktojnë që nyjet tuaja të ndjehen të fryra, të ndjeshme, të ngurtësuara ose të përflakura, ose të çojnë në dobësi dhe humbje të muskujve.
Megjithëse nuk ka shërim, mendohet se dieta ushqyese mund të luajë një rol në menaxhimin e simptomave, shkruan Express.co.uk përcjell Gazeta Shneta.
Sipas doktoreshës, Clare Morrison nga MedExpress, ushqimet e pasura me kalium mund të jenë çelësi për trajtimin e artritit.
Ajo shpjegoi se: “Kaliumi dietik ndihmon në balancimin e natriumit të tepërt nga kripa, duke reduktuar mbajtjen e lëngjeve dhe duke ndihmuar përdorimin e duhur të kalciumit në kocka dhe nyje.”
Kjo u mbështet nga një studim i publikuar në “The Journal of Pain”, i cili vendosi një lidhje midis niveleve të ulëta të kaliumit dhe artritit reumatoid.
“Pacientët me artrit reumatoid janë përshkruar se kanë përqendrime të konsiderueshme të ulëta të kaliumit në serum sesa në subjektet e shëndetshme,” theksohet në studim.
“Suplementet e kaliumit dukej se ulnin intensitetin e dhimbjes.”
Gjithashtu është e mundur të blini suplemente kaliumi, tha Dr. Morrison e cila rekomandoi në mënyrë specifike katër fruta për të shtuar në dietën tuaj që mund të ndihmojnë në rritjen e niveleve të kaliumit.
“Burime të mira përfshijnë bananet, pjeprin, portokallet dhe kajsitë,” tha ajo.
Njëqind gram banane përmban 358 mg kalium, ndërsa e njëjta sasi e pjeprit ka 267 mg.
Ndërsa, njëqind gram portokall ka 181 mg kalium dhe kajsia ka 259 mg. /Gazeta Shneta/