Rastet e sëmundjes inflamatore të zorrëve (IBD) po rriten me një shkallë alarmante tek të rinjtë amerikanë, zbulon një studim i ri.
“Normat e prevalencës janë ndër më të lartat e raportuara në mbarë botën,” tha studiuesi Dr. Michael Kappelman, profesor i pediatrisë dhe epidemiologjisë në Universitetin e Karolinës së Veriut në Chapel Hill, shkruan burimi Health Day përcjell Gazeta Shneta.
Studimi i botuar më 20 nëntor në revistën “Gastroenterology”, – hap terren të ri në kuptimin e sëmundjes IBD pediatrike në Shtetet e Bashkuara.
Ai vlerëson se më shumë se 100,000 amerikanë nën moshën 20 vjeç kanë një formë të IBD, një grup sëmundjesh në të cilat sistemi imunitar sulmon qelizat e shëndetshme të zorrëve. Sëmundja e Krohn dhe koliti ulceroz janë llojet më të zakonshme.
“Gjetjet tona tregojnë se IBD pediatrike prek një numër të konsiderueshëm të të rinjve amerikanë,” tha Kappelman.
Shkalla më e lartë e sëmundjeve ishte tek të rinjtë e bardhë dhe ata në verilindje, zbuloi studimi. Studiuesit thanë se nevojiten më shumë kërkime për të kuptuar dallimet në prevalencë midis grupeve të ndryshme racore dhe etnike. /Gazeta Shneta/